AVISO

Todos e todas que coñecedes esta páxina sabedes que como administrador da mesma solo estou eu só, o que implica que por vida laboral non poida actualizar durante unha curta tempada. Espero que poidades entender este motivo, que cando se encontra unha persona soa ante un proxecto destas características se complique por momentos. Un saúdo, Brais Martínez. www.braismartinez.es / www.braismartinez.gal

6 jul. 2012

PROXECTO SOCHEO

"La hora bruja" (1985) na Armona - Proxecto Socheo.

Proxecto Socheo / Camposancos
 Fragmento de "La hora bruja" (1985), de Jaime de Armiñán. Secuencia dunha das rodaxes de películas máis lembradas na Guarda onde se enfrentan o talento interpretativo de dúas da máis importantes actrices de España: Concha Velasco e Victoria Abril. Este duelo interpretativo acontece en Camposancos, concretamente na zona de praia que hai perto da Armona. Na secuencia vemos unha importante duga onde se pode ver o arenal camposino, o río Miño, o pinar e a praia de Camarido e a Ínsua.


PROXECTO SOCHEO é un intento imposible de minguar o esquecemento que produce o paso do tempo na Guarda. Por medio desta canle preténdese xuntar nunha mesma plataforma todas aquelas imaxes audiovisuais que supoñan un reforzo considerable para evitar a fraxilidade da memoria. Vivimos en tempos onde se desbotan unha chea de material audiovisual e aquí pretendemos xuntalas para que reforcen o patrimonio da Guarda. Unha maneira de repensar o pasado, facelo presente e redimensionalo para o futuro.
A intención deste proxecto é convidar a todo o mundo que posúa imaxes da Guarda e das súas xentes para que amose os seus arquivos e engrose este proxecto común. Se che interesa colaborar ponte en contacto en: proxectosocheo@gmail.com

Proxecto Socheo tamén quere ser o punto de arranque para que as institucións pertinentes deseñen e creen o Arquivo da Imaxe da Guarda.

Dirección: XURXO GONZÁLEZ
Produción: BELI MARTÍNEZ
Historiador: GUSTAVO GONZÁLEZ
Técnico: DANIEL GONZÁLEZ
Comunicación: LUÍS CIVIDANES

No hay comentarios: