AVISO

Todos e todas que coñecedes esta páxina sabedes que como administrador da mesma solo estou eu só, o que implica que por vida laboral non poida actualizar durante unha curta tempada. Espero que poidades entender este motivo, que cando se encontra unha persona soa ante un proxecto destas características se complique por momentos. Un saúdo, Brais Martínez. www.braismartinez.es / www.braismartinez.gal

CAMPOSANCOS



Camposancos está situado na desembocadura do Río Miño, no medio dunha natureza idílica, con esplendidas praias como A Lamiña e O Muiño.
Camposancos é un pobo de mais de 970 habitantes e xudíricamente é unha Entidade Local Menor dentro do axuntamento de A Guarda.
Nas súas augas fluviais e oceánicas pódese practicar toda clase de deportes e degustar os meiores pratos, como a lamprea, a lubina, os mariscos, etc.
O pobo está abrigado dos ventosdo norte polo Monte Trega, dende cuxa cume contémplase unha das mais impresionantes panorámicas da natureza.
A visita e o disfrute de Camposancos quedará na súa retina como un dos recordos mais fermosos da súa vida.



Entidade Local Menor de Camposancos.
A Entidade Local Menor de Camposancos pasa por ser a máis antiga de tódalas que existen en Galicia, funcionando xa a finais do século pasado unha Xunta Administrativa para a xestión dos bens do Coto de Camposancos, de acordo co previsto nas leis municipais de 1870 e 1877. Este coto dependía inicialmente no Antigo Réxime do bispado de Tui, séndolles arrendados os seus bens ós veciños desta parroquia no ano 1761 e posteriormente redimido este foro a favor dos mesmos no ano 1870.
A parroquia de Santa Isabel de Camposancos créase no ano 1798 logo da súa escisión da de San Lourenzo de Salcidos. Nos períodos liberais anteriores ó definitivo establecemento constitucional dos concellos aparece como concello propio; sen embargo, na definitiva distribución aprobada para o Partido Xudicial de Tui en 1836 esta parroquia inclúese dentro do concello da Guarda, situación que se mantén ata a actualidade.
Ten esta parroquia unha superficie total de 412 hectáreas nas que residen mais de 970 habitantes, distribuídos nos lugares de A Armona, Bouza da Fonte, O Couto, A Granxa, O Outeiro, O Muíño, Pombal, A Pasaxe, Sa e Salgueiró. Inclúese no territorio desta parroquia unha parte do Monte de Santa Tegra e dispón de coñecidas praias.
Como Entidade Local Menor é recoñecida, logo da aprobación do Estatuto de Municipal de 1924, en abril de 1925, constituíndose definitivamente na sesión do 23 de maio de 1925, sendo o seu primeiro alcalde pedáneo D. Domingo Domínguez.
A organización dos fondos documentais supuxo o inventariado de cincuenta e tres unidades de instalación, que recollen testemuños documentais dende 1761 ata a actualidade.
Dentro deste fondo destacan as actas dos órganos de goberno, que só se conservan dende 1955; e sobre todo a documentación referida ó patrimonio, que conserva orixinais e copias de todo o proceso antes relatado de arrendamento e redención do foro dos bens do Coto de Camposancos, da constitución da parroquia e dos principias acontecementos referidos ó devir desta Entidade Local Menor.
En todo caso, como é habitual, a maior parte do volume documental (53%) corresponde á elaboración e control presupostario entre os anos 1920 e 1995.

A Festa de San Amaro, o 15 de xaneiro, é a festa patronal da parroquia de Camposancos, na honra de San Amaro, avogado dos reumáticos e tolleitos. O sábado máis próximo a esa data celébrase a festa gastronómica da Paletada, que conmemora unha antiga tradición local.

Asociación "Os Amigos".
(Próximamente)

Fotografías: