A Comisión Europea distinguiu a zona da desembocadura do río Miño, na localidade pontevedresa da Guarda, limítrofe con Portugal, polas súas prácticas de turismo sostible.
De entre todos os proxectos españois presentados ao concurso, a proposta 'A Guarda horizonte natural', elaborada pola Xunta de Galicia, gañou o concurso de Destino Europeo de Excelencia (Eden, nas súas siglas en inglés), un proxecto da Comisión Europea que fomenta modelos de desenvolvemento de turismo sostible, informou hoxe nun comunicado a Administración autonómica.
O concurso, que este ano se centrou no turismo acuático, pretende facer visibles destinos europeos pouco coñecidos e dar a coñecer aos países membros as fórmulas para fomentar un turismo sostible e respectuoso cos recursos naturais.
A cerimonia de entrega de premios celebrarase a finais de setembro en Bruxelas, coincidindo co Día Mundial do Turismo.
No hay comentarios:
Publicar un comentario