AVISO

Todos e todas que coñecedes esta páxina sabedes que como administrador da mesma solo estou eu só, o que implica que por vida laboral non poida actualizar durante unha curta tempada. Espero que poidades entender este motivo, que cando se encontra unha persona soa ante un proxecto destas características se complique por momentos. Un saúdo, Brais Martínez. www.braismartinez.es / www.braismartinez.gal

22 dic. 2011

O Rosal en "Xente con Xente".

                                    


Para unirnos nas diferenzas e para saber que teñen en común persoas de moi distintos lugares, “Xente con xente” descobre que ás veces non somos tan distintos como pensamos; por iso os reporteiros Inma Morandeira e Matías Tarrío guiarannos por lugares e xente que teñen unha relación estreita, nesta ocasión para coñecer a forma de vida e os veciños de zonas que se manteñen grazas ás súas conserveiras.
A través deste fío condutor, que hoxe transcorre polos camiños das conserveiras, os reporteiros achégannos os costumes e o día a día de cada zona, os cantes, os bailes típicos, a destreza entre fogóns e incluso os conflitos que puidera haber. Neste contexto, a primeira parada vai ser en Cariño, para coñecer as tres fábricas que perduran, aínda que noutros tempos houbo máis de vinte.
A ruta das conserveiras transcorre por outras rutas cara ao mexillón, o prato estrela en Cabo de Cruz, onde descubrimos o traballo que se desenvolve nunha batea e como despois o molusco se envasa nas conserveiras desta pequena parroquia de Boiro. A terceira parada é na Rosaleira, o motor económico do Rosal, onde moitas mulleres traballan no envasado de produtos típicos galegos, fundamentalmente grelos e mirabeis, froito que só se dá nesta zona.
(Se non podes ver correctamente o vídeo entra: aqui).


No hay comentarios: