16 dic. 2011

As Festas do Monte en perigo.

Un momento do desfile deste ano.
As Festas do Monte en perigo por falta de organización.

Dende o ano 2000 a Asociación Pedra Furada organiza as Festas do Monte. O pasado 1 de decembro, en escrito dirixido a esta Alcaldía, dita asociación comunica que na Asemblea Xeral Ordinaria celebrada o pasado 14 de outubro aprobou por unanimidade deixar de organizar as Festas do Monte a tódolos efectos. A día de hoxe non hai comisión que se encargue da organización das Festas do vindeiro ano.
Non é necesario, por evidente, argumentar a importancia que as Festas do Monte teñen para A Guarda. Que no ano 2013 se celebre o centenario das mesmas ten que ser un aliciente máis para que entre a cidadanía e colectivos guardeses xurda unha comisión que se encargue da súa organización.
Por este motivo vaise celebrar unha asemblea no Centro Cultural o vindeiro mércores 21 de decembro, ás 20,30 horas, á que se convida a tódolos colectivos e cidadanía en xeral, e de xeito particular a aquelas asociacións que, dunha maneira máis directa, teñen vinculación  coas festas.
A Guarda, 16 de decembro de 2011.
O  Alcalde,
José Manuel Domínguez.

No hay comentarios: