Bandeiras azuis no Muíño e na Area Grande.

Foto: www.aguarda.es - Praia do Muíño, Camposancos.

O alcalde da Guarda, José Manuel Domínguez Freitas, e a concelleira de Turismo, Montserrat Magallanes Álvarez, izaron o pasado mércores 29 de xuño o distintivo Bandeira Azul nas praias de Area Grande e O Muíño.

Dende mediados de xuño os servizos das praias foron postos en marcha, como o servizo de socorrismo dos areais distinguidos. As praias xa contan cos servizos esixidos por Bandeira Azul como os paneis informativos, o servizo de limpeza e de recollida de residuos, as duchas e os aseos.

Así mesmo estase a traballar na mellora dos accesos e na ubicación das pasarenas en ámbolos dous areais. Durante a tempada de verán as praias de Area Grande e O Muíño ofertarán actividades medio ambientais para nenos e se porán en marcha campañas de concienciación.

Trala concesión da Bandeira Azul de Area Grande (anos 2009, 2010 e 2010) e de O Muíño (anos 2010 e 2011) o concello continúa a traballar na mellora dos servizos esixidos polo distintivo e deste xeito ofrecer ós veciños e visitante unhas praias e servizos de calidade.

Foto: www.aguarda.es - Praia da Area Grande, A Guarda.

Foto: www.aguarda.es - Praia do Muíño, Camposancos.