Entrega de premios do V Certame de poesía Xela Arias.

            A Dirección e o Equipo de Normalización da Lingua Galega do IES A Sangriña convídanvos a asistir á homenaxe a Xela Arias e entrega de premios aos mozos e mozas gañadores da V Edición do Certame, que terá lugar o luns, día 13 de xuño a partir das catro da tarde no salón de actos do instituto.

Neste acto literario, alumnado do grupo de teatro do instituto ofrecerá un recital de poemas de Xela Arias.

Contaremos ademais coa presenza profesora e escritora Marga do Val, premio da crítica 2010 polo libro de poemas A cidade sen roupa ao sol e premio da AELG de tradución por Randea do alento de Herta Müller. Ela ofreceranos unha conferencia para aproximarnos á obra de Xela Arias así como á importancia da literatura feminina dos últimos anos en lingua galega.

Finalmente entregaranse os premios do Quinto Certame de Poesía Xela Arias, que lle corresponderon ás seguintes persoas.

• 1º premio da modalidade A: VICTORIA PÉREZ GASCÓN do IES Xesús Taboada Chivite, de Verín (Ourense).
• 2º premio da modalidade A: PAULA COLLAZO CASTIÑEIRA do Colexio Obradoiro, da Coruña.
• 1º premio da modalidade B: LAURA RAMOS CUBA do IES Perdouro de Burela (Lugo).
• 2º premio da modalidade B: ELISABETH REY GONZÁLEZ do IES Antón Fraguas de Santiago de Compostela.
• 3º premio da modalidade B: PABLO LOMBA RIEGO do IES A Sangriña da Guarda (Pontevedra).
• Mención especial para MIRIAM DOURADO CARABEL do IES Ponteceso de Ponteceso (A Coruña).

As persoas asistentes, recibirán como agasallo o libro, publicado pola Deputación de Pontevedra, cos poemas gañadores da terceira e cuarta a edición.

Esperamos contar coa túa presenza.

Un cordial saúdo,

Pilar Carro

Directora do IES A Sangriña