O sábado 18 de decembro, coincidindo co peche dos actos do XXV
aniversario de ANABAM, esta asociación presentará a campaña
denominada Ven observar aves. Achégate ao esteiro do Miño.
O acto terá lugar ás 6 da tarde na Casa dos Alonso, na Praza do Reló,
A Guarda. A este acto poderán asistir tódalas persoas que o desexen.
PROGRAMA PREVISTO:
Lugar: Casa dos
Alonso, Praza do Reló, A Guarda
-18.00
horas:
ANABAM, 25 anos.
-18.10
horas:
Vídeo resume 25 anos de ANABAM.
-18.20
horas:
Presentación da Campaña: Achégate ao Esteiro do Miño. Vén observar aves.
-18.30
horas:
Vídeo: As aves acuáticas e a ruta ornitolóxica do esteiro do Miño.
-18.40
horas:
Presentación dos Socios de Honra Jonh Weeden e Gloria Villaraviz
-18:45
horas:
Vídeo: Proxectos desenvolvidos co apoio da Weeden Foundation.
-18.55
horas:
Entrega da credencial de Socios de Honra
-19.00
horas:
Remate do acto coa entrega de agasallos aos asistentes e degustación de
Rosca de Xema guardesa acompañada de viño doce e café.
Acto aberto ao
público.
<=><=><=><=><=><=><=>
O Esteiro do Miño
pasa por ser un dos mellores e máis importantes humedais galegos. No
inverno, cando os atractivos turísticos locais escasean ou mesmo
resultan nulos, o esteiro do Miño ofrece toda a súa plenitude. É
este un recurso que aínda está sen explotar e que, como se pode
comprobar por outras zonas, tanto da Península coma do extranxeiro,
pode ser un atractivo capaz de atraer a moitos visitantes.
A riqueza
ornitolóxica deste enclave natural é coñecida principalmente polos
naturalistas e ornitólogos, e segue a ser unha grande descoñecida
para a maior parte das persoas, mesmo para os propios residentes.
ANABAM quere volcarse aínda
máis para potenciar o coñecemento desta área ornitolóxica, empezando
polos "de casa" e rematando por ese potencial de xente que pode
achegarse ata aquí para ver aves.
Por este motivo, esta
asociación pon en marcha a campaña: Ven observar aves.
Achégate ao esteiro do Miño.
Cada mes, ata marzo,
ANABAM sorteará entre os visitantes 100 euros para mercar en
calquera dos establecementos da Guarda que se sumen a esta campaña, deste xeito, esta asociación pretende potenciar a observación das
aves acuáticas, implicar ao comercio local e dar a coñecer a propios
e foráneos a riqueza que hai neste recuncho pontevedrés.
Os comerciantes da
Guarda que desexen participar nesta campaña, que por certo non teñen
que pagar nada, soamente deben dirixirse a ANABAM onde se lles
explicará os pormenores da mesma. En calquera caso, invitamos aos
responsables do comercio local que, si están interesados nesta idea,
se acheguen o sábado 18 á presentación da mesma.
No hay comentarios:
Publicar un comentario