O IES A Sangriña calcula a súa Pegada Ecolóxica.

Profesores e alumnos cos paneis en Pontevedra.

A Pegada Ecolóxica (PE) é un indicador de índice único que permite cuantificar o impacto das actividades humanas sobre os ecosistemas así como establecer as medidas correctoras para paliar os ditos impactos. Este indicador pode aplicarse a diversas escalas e deste xeito xorde a PE Corporativa (PEC) aplicada a institucións ou a calquera tipo de empresas. Neste traballo realizouse o cálculo da PEC do IES A Sangriña (A Guarda, Pontevedra) para o ano 2010. Cuantificáronse os recursos materiais, enerxéticos e de mobilidade consumidos e os residuos emitidos durante o ano 2010 e aplicáronse os parámetros de conversión de cada un deles para estimar a cantidade de CO₂ emitido. A cantidade anual neta estimada de CO₂ emitido foi de 650 toneladas (0,58 tCO₂ per capita). Os resultados indican que a mobilidade é a principal fonte de emisión de CO₂ de toda a actividade do centro (76,7%) seguido da actividade de mantemento do edificio (8,8%), consumo eléctrico (7,2%) e o consumo de gasóleo de calefacción (6,9%). O profesorado resultou ser a clase con maior emisión de CO₂ deribado da mobilidade (1,78 t CO₂ per capita). Tendo en conta a taxa de absorción de CO₂ polos bosques atlánticos, serían necesarias 104 ha para compensar as emisións de CO₂.

Fai algúns meses puidemos asisitir co grupo de traballo da Axenda 21 do IES, como expuñan e explicaban o traballo na xuntanza de Axendas 21 Escolares de Galicia., que tivo lugar en Pontevedra.
Mira esa publicación: clica aqui.

Ver todas

Consigue el tuyo